Nanu Børn aningaasanik tunissuteqarfigineqartoq
Tele-Postip Nanu Børn checkimik 50.000 koruunitalimmik tunissuteqarfigaa.
Tele-Postip Nanu Børn aningaasanik tunissuteqarfigaa sulisumik suliffimminnik iluarisimaanerinninnerannik misissuisitsereerluni.
– Ukioq manna Tele-Postip anguniarsimavaa misissuisitsinermi sulisut akissuteqartut anguniagaq aalajangersimasoq qaangerpassuk taava Nunatsinni meeqqat atugarisaanni pitsanngorsaanissamut 50.000 koruuninik Tele-Post tunissuteqassasoq. Nuannaarutigalugulu Tele-Postip paasivaa anguniagaq tamanna anguneqarsimammat, suliffeqarfik nalunaaruteqarpoq.
Aningaasat Nanu Børnip suliniutaanut 'Meeqqat juulliat"-nut atorneqassapput, tassani siunertaavoq ilaqutariit pisariaqartitsisunut ikiuinissaq. Taamaalillutik ilaqutariit aningaasatigut ajornartorsiortut meeqqaminnut tunissutisinissaminnut periarfissaqalissapput.
– Oqaatigisinnaavarput aningaasat taakku atorlugit Nunatsinni meerarpassuarnut nuannaarutissaqalersitsisugut, taamatut oqarpoq Nanu Børnimi siulittaasoq, Krissie Berthelsen Winberg.
ALLAASERISAQ ATUARUK: Nanu Børnimut immikkut 25.000 koruunit