Silarluup timmisartut kinguaattoortippai
Ataasinngonermi silarlunnera pissutigalugu timmisartornissat tamaasa Air Greenlandip taamaatippai. Norsarluunniit ullumi Kangerlussuarmut missinnaanngilaq.
– Sermernarujussuartussaallunilu anoraasuarujussuaqattaartussaanera pissutigalugu Air Greenlandip ataasinngornerup decemberip 14-iata sinnerani timmisartornissat tamaasa taamaatippai, ataasinngornermi ullup qeqqartoq Air Greenland taamatut ilisimatitsivoq.
Timmisartuutileqatigiiffiullu aamma nalunaarutigaa Norsaq Danmarkimiit aggeraluartoq Kangerlussuarmi mittarfimmi 25 m/s tikillugu sakkortussusilimmik anoraasuasarnera pissutigalugu Islandimi Keflavikilirtiinnarneqartoq.
– Air Greenlandip timmisartunik nakkutilliisoqarfisa silasiortut silassamik ilimasaarutaat malittareqqissaarpai, aammalu ilaasussat, allakkat nassiussallu apuuffissaminnut apuunneqarnissaat pillugu marlunngornermi immikkut timmisartoqartitsisariaqarsinnaaneq pimoorullugu sulissutigineqarpoq, Air Greenland ilisimatitsivoq.