Ilaqutariit angerlarsimaffeqaratik pingajussaa juullisiussapput
Ilaqutariit pingasunik meerartallit 2007-imi oktobarimili angerlarsimaffeqanngillat angutillu angaani utoqqarmi 69-inik ukiulimmi najugaqarlutik inissiami 35 kvadratmeterinik angissusilimmi.
– Pingasunik qitornaqarpugut, nukarlersaallu arfineq-marluinnarnik ukioqarpoq. 2007-imi oktobarimiilli kollegiamit anisitaagatta uima akkaani utoqqarmi 69-inik ukiulimmi najugaqarsimavugut, taannalu Nuummi blokkit ilaanni ataasiinnarmik inilimmi inissiaqarpoq, Arnannguaq 38-inik ukiulik oqarpoq, taassumalu kinaassutsini isertuukkusuppaa.
Arnannguaq Avannaaneersuuvoq 2004-imilu Nuummut nuulluni ilinniakkaminik aallartitsiartorluni, 2008-mi naammassisaminik. Ilinniakkani piffissaq eqqorlugu naammassinngikaa ukiulli affaanik sivitsorsimallugu, tamannalu pissutigalugu kollegiamit anisitaasimapput.
Taamanikkunniilli ilaqutariit, tassaasut ataataq, anaanaq meeqqallu pingasut 16, 13 aamma 7-inik ukiullit angutip angaani utoqqarmi najugaqarsimapput, suullu tamaasa atorlugit allamik inissarsiorsimagaluarlutik.
Sermitsiami nr. 51-imi allaaserisap sinnera atuaruk...