Anaanaq inuusuttoq anisinneqartoq

Anaanaq inuusuttoq angerlarsimaffeeruppoq meeqqaminillu arsaarneqarluni qitornaata nukarliup angumminik kinguaassiuutitigut atornerlunneqarnerata kingorna.

Heidi Poulsen Olesen, 21-nik ukioqartoq, ullumikkut angerlarsimaffeqanngilaq, meeqqanilu tigoqqissinnaanngilai angerlarsimaffissaqartinnginnamigit, ernerata, tallimanik qaammateqartoq angumminik persuttarneqarsimanerata kinguaassiuutitigullu atornerlussimanerata kingorna. Assiliisoq: Leiff Josefsen, modelfoto.

Juulli erloqinartorujussuusinnaavoq 21-nik ukiulimmut Heidi Poulsen Olesenimut ilisimannginnamiuk qitornani nukangasut marluk ilagisinnaanerlugit, arsaarneqarami, naak nammineq nalaataannut pisuussuteqanngikkaluarluni.

Ullut septembarip arfineq-aappaat aamma arfineq-pingajuat 2009 Heidip inuunerani ajornerpaamik pisoqarfiupput. Ulluni taakkunani meeqqani annaavai kingornalu angerlarsimaffini annaallugu.

– Angutiviarisimasama, taamani niuerniarninni meeqqannik parsisup, sianerfigaanga nukarleq nakkarsimasoq. Piaarnerpaamik angerlarama ingerlaannaq takusinnaavara ajorluinnartumik pisoqarsimasoq. Taamanikkut tallimanik qaammateqarpoq, talia eqqumiitsumik nivingavoq, takusinnaavalu ulassamigut kiitissimasoq. Ingerlaannaq ambulancenut sianerpunga, Sanamullu apuukkatta peruluttut uninngasarfiannut unitsippaat, Heidi oqaluttuarpoq, taamanikkut meeqqat angutaallu angajoqqaatut akisussaaffeqartuupput, 14-inik ukioqarlunili aappartaarisimasani.

Allaaserisap sinnera Sermitsiami nr. 51-mi atuaruk...

Powered by Labrador CMS