Aningaasanik akileraarutitaqanngitsunik iluanaartoq
Vittus Sakæussen Tasiilameersoq 2009-mi ujaqqamik soqutiginarnerpaamik nassaarsimavoq.
– Rubineqarfik Kitaani Qeqertarsuatsiaat eqqaanniittoq sermersuaq ataallugu Tunumi Tasiilamut atasimagunarpoq, aatsitassanut pisortaqarfimmi ujarassiooq Thomas Rasmussen oqarpoq.
Qeqertarsuatsiaat eqqaanni rubineqarfeqarfeqarnera ukiorpassuarni ilisimaneqarsimavoq, massakkullu Tasiilami ujaqqanik katersuisartoq Vittus Sakæussen Tunumi rubineqarfimmik nassaarsimavoq
Sermillip, Tasiilap Isortullu akornanniittup paavani 'Nagtivinni' ujaqqamik nassiussisimalluni Vittus Sakæussen 2009-imi Ujarassiorimi akissarsiassat annersaannik akissarsivoq.
Ujaqqanik ujaasisitsinermi akissarsiassat annersaat 55.000 kroniupput akileraaruteqanngitsut.
Ujarak ikitsisit puuannit anginerunngitsoq Aatsitassanut Pisortaqarfimmi ujarassiuut tassaanerarpaat »en amfibolitisk bjergart med korund (safir pinkiusoq)«. Ujaqqallu rubininit aapparluttunit allaanerussutigaa ujaqqat taartut akornanni ersarilluinnartuugami.
Naluneqanngitsutut Kujataani rubininik nassaartoqartareerpoq, aatsaalli 'Nagtivinni' nassaartoqapoq, Vittus Sakæussenillu tassani nassaani akileraarutitaqanngitsunik 55.000 kroninnassutigaa.
Aatsitassanut naalakkersuisup Ove Karl Berthelsen, Inuit Ataqatigiit, ullaatungaanit Vittus Sakæussen sianerfigalugu UJarassiorit 2009-mi ajugaasimaneranik qujasarpaa.