Nuummi bredbånd angallattagaq

Aasaru Tele neqeroorummik nutaamik saqqummiussissaaq.

Ass.: Carsten Snejbjerg, Polfoto.

Nuummi café-miitillutit imaluunniit sanaartorfimmiillutit qarasaasiannik angallattakkamik sukkasuumik surferit. Imaluunniit illoqarfiup qeqqaniit bussinik angerlartillutit telefoninnik angallattakkamik sukkasuumik surferit.

Periarfissat amerlaqaat Telep 2010-mi aasakkut bredbånd angallattagaq ilisaritippagu.

Sullisivikkut nutaakkut sukkasuumik internettimi attaveqarniarlutit assersuutigalugu attaveqaatit aqquteqanngitsut isumalluutigiunnaasavatit.

Telefoni angallattagaq nutaaliaq imauuynniit modem simkortilik qarasaasianni angallatakkami atuinnassavat, taava sukkasuumik nettimut isersinnaavutit.

Ullumikkut aamma GSM-mobilabonnement telefonilu angalattagaq nalinginnaasut atorlugit nettimut isertoqarsinnaavoq. Sullissivikkulli nutaakkut internettimi sukkassuseq mobilinut attaveqaammit nalinginnaasumit 25-eriaammik sukkaneruvoq.

Attaveqarfik nutaaq 3G aamma atorlugu telefoni angallattagaq atorlugu videotelefoni-liortoqarsinnaavoq, telefoneqaraanni sullissivimmut tassunga atasumik.

Telefonit angallattakkat misissoruk
Telep bredbånd aqquteqannitsoq UMTS 900-teknologimik taaneqartartoq toqqarsimava. Taanna teknologi nutaajuneruvoq akikinnerullunilu, assersuutigalugu illup iluani pitsaanerusumik internettimik attaveqartitsisoq. Telefonilli angallattakkat 3G-t tamarmik attaveqaammi UMTS-900-mi atorneqarsinnaanngillat. Taamaattumik nutaamik mobiltelefonisisariaqarputit imaluunniit attaveqaammi GSM-imi periarfissat atuuttut suli atorsinnaallugit.

Sullissivik nutaaq Nuummiinnaq saqqummiunneqaqqaassaaq, kingornali illoqarfinnut allanut atuutilersinnaalluni.

Sullissiviup nutaap akii suli aalajangersarneqarsimanngillat, Tele paasissutissiivoq.

Powered by Labrador CMS