Savaatillit nersornaaserneqartut
Savaatillit Andala Lund Siiku Motzfeldtilu erngup nukinga atorlugu nukissiorfeeqqamik pilersitsisimanertik pillugu, namminersorlutik oqartussat avatangiisinik mianerinninnermut nersornaasigaapput.
Annonse
Erngup nukinga atorlugu nukissiorfeeraq innaallagissamik kiassarnermillu Qorlortukasimmi pilersuivoq, knr.gl allappoq.
Savaateqarfik Qorlortukasimmiit kilomiiterinik ungasitsigisumiittoq Timerliit innaallagissamik aamma pilersorneqarpoq. Taamaalilluni ilaqutariit sisamat illui nukissiorfeeqqamiit innaallagissamik pilersorneqarput orsussaq ukiumut 22.000 literip missaa sipaarneqartarluni, imaluunniit ullormut 400 kr.
Nersornaatisisut tamarmik immikkut 15.000 kruunimik aningaasartalimik avatangiisinut naalakkersuisumit Anthon Frederiksenimit tunineqarput.