Juullimut nassiussanut periarfissaq kingulleq

Juullimut nassiussat qanittukkut nassiunneqassapput juullertinnagu umiarsuarmik Danmarkimut anngutissappata.

Illoqarfiit nunaqarfiillu ilaannut kingusinaareerpoq, juullip umiarsuaanik Danmarkimut poortukkanik nassiussisoqassappat.

Sumiiffinnilli arlalinnit suli periarfissaqarpoq umiarsuakkut poortukkanik nassiussinissamut, juullertinnagu Danmarkimut tikittussanut. Nukingertariaqarporli.

Poortukkut kingusinnerpaamik qaqugu tunniunneqarnissaat www.post.gl-imi takusinnaavat.

Timmisartukkut nassiussanut suli piffissaqarneruvoq. Tamatumani Kalaallit Nunaanni sumiiffinni arlalinni decembarimi sapaatip akunnerani siullermi tunniussisoqassaaq anngutissappata. Tamakkuali allaanerulaartumik akeqarput.

Powered by Labrador CMS