Qaanaami sassarsuit
Qaanaami piniartut 40-ullutik qilalukkat qernertat qaqortallu aamma 40-t missaaniittut imarnersamiittut piniarpaat.
Qilalukkat qaqortat qernertallu sikumit nikeriarsinnaanngitsut ippassaq piniartunit piniarneqarlutik aallartipput. Qilalukkat sikumit anillassinnaajunnaaqqapput imarnertarlu qerruppat toqoraannartussaapput.
– Imarnersaq Qaanaap kujataani 15 - 20 kilometerit missaannik ungasitsigisumiippoq, ulloqeqqatalu siorna piniartut ilisimatitsipput qilalukkat 38-t pisarisimallugit. Qilalukkat imarnersamiittut tamaasa pisarinissaannut pininiarnermut naalakkersuisoqarfimmit akuerineqarput, piniarneqanngikkunik toquinnartussaammata, politiinut ikiorti Hans Kristiansen, sermitsiaq.gl-imut oqarpoq.
Qilalukkanik qaqortanik qernertanillu pisarineqarsinnaasut 31-nut killigaalaluarput, naalakkersuisoqarfiulli akuersineratigut qilalukkat imarnersamiittut sinneri piniartunit pisarineqarsinnaapput.
Ukiut kingulliit 20-t Qaanaami sassisoqarsimanngilaq.