Aatsitassanut inatsit akuersissutigaat
Inatsisartuni partiit tamarmik inatsit assortuussutaaqisoq akuersissutigaat.
Taama KNR nalunaaruteqarpoq inatsisip tallimanngornermi ualikkut akuersissutigineqarneranut atatillugu.
Suliniaqatigiiffiit arlallit innersuutigigaluarpaat inatsip assortuussutaasup pingajussaaneerneqarnera kinguartinneqartariaqartoq. Tusarniaaneq ingerlanneqartoq suliniaqatigiiffinnit demokratiskimik ingerlatsinermit sanioqqutitsinerarlugu ilaatigut taavaat.
Inatsisip nutaap innuttaasut nunaqavissut periarfississavai aatsitassanik sunilluunniit - tassunga pinnersaasiassat ilaallutik soorlu rubinit - katersisinnaanermut akuersissutinik pinissaannut.
Akuersissummik pinissamut piumasaqaatituaavoq akiliutissaq angingitsoq.
Akuersissummik peqarnissamik piumasaqaat tunngaveqarpoq, Namminersorlutik Oqartussat tamakkunannga aallussaqartunit, akileraarutitigut isertitsisinnaanissaq qulakkeerumagamikku.