Juullip Inua Danmarkimiit akissaaq

Meeqqat tamarmik juullip inuanut allattut akissutisissapput, taama Post Danmark neriorsuivoq. Taamattoq imaassinnaavoq kissaatik tamaasa pinavianngikkaat.

Meeqqat Danmarkimiittut Juullip Inuanit Københavnimiittumit akissutisissapput. Assi: Leiff Josefsen

Danskit meerartaat toqqissillutik juullip inuanut allassinnaanngorput, akineqarnissartimmi qularutigissanngilaat.

Post Danmark neriorsuivoq allakkat Julemandens Postkontor på Rensdyrvej 1, Postboks 2412, 1566 København V-mut nassiunneqartut tamarmik akineqassasut.

Siusinnerusukkut Post Danmarkip juullip inuanut allakkat toqqaannartumik Kalaallit Nunaannut nassiuttaraluarpai. Neriuuteqangaarlutik allattartuaqqat juullimaamit nuannaartumik akissutisinissaannut utaqqilussinnannginnissaat qulakkeerniarlugu, juullimi allakkeriviup ukioq manna allakkat juullip inuanukartut juullip inuata allakkerivianit Danmarkimiittumit akineqartalissapput.

– Nalunngilarput meerarpassuit juullip inuanut allattartut, aamma nalunngilarput taanna ulapittuusoq, Ole Bach Nielsen oqarpoq, taanna Postdanmarkimi inuinnarnik sullissinermi tuniniaanermut ineriartortitseqqinnissamullu pisortaavoq.

– Taamaammat juulleriartortillugu isertuussaminik kiffarpassuaqarpoq. Kiffaasa ilai Danmarkimi allakkerivimmi sulipput, tassani isumagalugit juullip inuanut allakkat inuttassaanut apuunnissat kiisalu meeqqat tassannga akissutisinissaat, Ole Bach Nielsen oqarpoq.

Powered by Labrador CMS