Ikiuiniutit danskit iluanaarutiginerusarpaat

Assiliaaqqat juullimut pilluaqqussutinik allaffissiat tuniniarneqarneranni Kalaallit Nunaanni meeqqanut iluaqqutissaagaluit danskit atuartut iluanaarutigisarpaat.

Foreningen Grønlandske Børn sinnerlugu danskit meerartaat assiliaaqqanik tuniniaasut iluanaaruteqarluartarput. Assi: Foto: Leiff Josefsen

Danskit meerartaat kalaallit meerartaasa inuusuttuarartaasalu sanngiinnerpaartaannit marloriaammik amerlanernik aningaasanik pissarsisarput, Foreningen Grønlandske Børn katersuiniukkaangamikku. AG taama allappoq.

Atuartut qallunaavaqqat juullimut assiliaaqqanik pingasunik 25 koruunilerlugit tuniniaagaangamik isertitamik ilaat nammineq pisarpaat.

Assiliaaqqanik pingasunik tunisigaangamik 7,50 koruuninik akissarsissutigisarpaat, Foreningen Grønlandske Børn assiliaaqqanut pingasunut taamaallaat 3,60 koruuninnattarluni.

Kalaallit Nunaanni atuarfinni klassit aamma Foreningen Grønlandske Børnimut juullimut assiliaaqqanik tuniniaassussisinnaapput. Taamaattoq ukioq manna nunatsinni klassinik tuniniaarusuttunik nalunaartoqarsimanngitsoq, AG allappoq.

Powered by Labrador CMS