Unitsitsiinnartarneq akiorniarlugu SMS atornialerpaa

Nuummi Niuernermik Ilinniarfik atuartut ilinniagaqartullu atuanngitsoortarnerat ilinniakkaminnillu taamaatitsiinnartarnerat annikillisarniarlugu SMS-imik sullissivik pilersinniarpaa.

Atuanngitsoortarnerit ilinniakkamillu unitsitsiinnartarnerit annikillisarniarlugit NIuernermik Ilinniafik nutaanik aqqutissarsiorpoq. Ass.: Polfoto

Niuernermik Ilinniarfiup Namminersorlutik Oqartussat suliniummut aningaasanik qinnuteqarfigaa, tamanna ilinniarfiup nutaarsiassatut allakkiaani atuarneqarsinnaavoq.

Niuernermik Ilinniarfik ullaakkut nalunaaqutaq 07.00 atuartunut ilinniartunullu SMS-imik nassiussisassaaq, ilaatigut atuanngitsoortarnerit annikillisarniarlugu atuartullu ullormik aallartitsilluartinniarlugit.

Ilinniarfik ilaatigut SMS-imik nassiussisassaaq, assersuutigalugu sulianik tunniussivissamut killissarititaq qalliartuleraangat.

Powered by Labrador CMS