TELE-POST Center nutaaq Maniitsumi
Ullumikkut ataasinngornermi TELE-POST Center nutaaq Maniitsumi ammarpoq. Kaffillertoqarlunilu sullitanut pitsaasorpassiarnik neqerooruteqassaaq.
Maniisormiut siunissami poortukkanik nassiussiniarlutilluunniit mobilimik nutaamik pisiniarunik TELE-POSTCenterertaamu Langskovip Aqqutaaniittumut saaffiginnittassapput
Illu siornatigut meeqqeriviusimallunilu atisaarniarfiusimavoq nutarterluinnarneqarsimavoq, TELE-POST Centeritut nutaaliaasutut atorneqarsinnaalersillugu.
– Illu oktoberip 26-ianni ammaanissamut piareersarlugu ukiap ingerlanerani ulapputiginikuuarput, taamaattumillu nuannaarutigalugulu tulluusimaarutigaarput Maniitsumi sullittakkagut ininik ullutsinnut naleqquttumik sullissinermillu suli pitsaanerusumik neqeroorfigisinnaaleratsigit, TELE-POSTip pisortaata tullia Steen Montgomery-Andersen ammaanersiornermi oqarpoq.
TELE-POST-ip Maniitsumi sullittagarpassuisa ilaat ammaanersiornermi kaffisoriartorlutillu ininik nutaanik neqerooruterpassuarnillu alakkarteripput.
– Sullittagarpassuatta TELE-POST Centererpaarput ilassilluartorujussuuaat, neriuppugullu atortorissaarutitaarpassuagut iluaqutiglluartarumaaraat, Steen Montgomery-Andersen oqarpoq.
TELE-POST ukiuni qulini kingullermi nunatsinni TELE-POSTCenterinik allanngortiterivoq. Maniitsumi TELE-POST-ip nutaamik sullissivittaarneratigut nunatsinni TELE-POST Centeriliortiterneq naammassineqarpoq.