Nanubørnit pilersaarut nuannaraat
Nanubørnit nuannaarutigaat Naalakkersuisut meeqqat pillugit iliuuseqarnissamik pilersaaruteqarnerat aamma pisariaqartuusoraat pisortat, piumassutsiminnik sullissisut peqatigiiffiillu suleqatigiittariaqarneri.
Nanu børnit anguniagaraat Kalaallit Nunaanni illoqarfinni nunaqarfinnilu meeqqat ornittagassaannik illoqalernissaq, illuni tamakkunani ilaqutariit meerartallit aamma meeqqat siunnersorneqarsinnaasariaqarput pisariaqartitsinerlu naapertorlugu orninneqarsinnaasariaqarput.
– Nuannaarutigaara paasillugu namminersorlutik oqartussat tamatumunnga qanoq iliuuseqarnialersaarmata, pilersaarummilu pisortat, nammineq piumassuseralugu sullissisut aammalu peqatigiiffiit suleqatigiinnissaat eqqartorneqarmat. Nanu Børn ukiuni kingullerni marlunni Kalaallit Nunaanni meeqqat illuinik pilersitsinissaq pilersaarusiornikuuaat piviusunngortitsiniaanermilu suleqataanissartik naatsorsuutigalugu, Krissie Winberg tusagassiuutinut allappoq.
Nanubørn siunertamut aningaasanik katersinikuuupput sulilu katersinissartik naatsorsuutigalugu suleqatigiligassaminnullu katersatik ingerlateqqikkusuppaat.