Igasuni pissartaq nutaaq
Ukioq manna pissartanngorniunneq Narsami inuussutissalerinermik ilinniarfimmi Inuili-mi ingerlanneqaqqippoq, pissartanngortorlu igasunngorlaajuvoq.
Annonse
Inunnguaq Hegelund igasuni nunatsinni pissartanngorpoq, ippassaq tallimanngormat Narsami Inuili-mi ukiumoortumik igasut pissartanngorniunnerat ingerlanneqarmat.
Inunnguaq Hegelund Hotel Arcticimi ilinniartuusimavoq ullullu tallimat matuma siornatigut igasutut naammassilluni.
Normu 2-ngorpoq Troy Burdon, Hotel Arcticimi igasuunerup tullia, normu 3-ngorporlu Mikael Hansson, Hotel Hans Egedemi igasoq.
Lærlingit akornanni ukiumi lærlingiullammattut toqqarneqarpoq Åge Lennert Olsen. Taanna Hotel Hans Egedemi ilinniartuuvoq.
Narsami pissartanngorniunnerni igasunut nerisassiaritinneqarput qeeqqat uiluiillu.