Qimmeq qatserisartunit annanneqarpoq

Qimmeq ajornartorsiulermat Qaqortumi qatserisartunit annanneqarpoq.

Qaqortumi qatserisartut qimmeq arfininngornermi ikiortariaqarpaat. Assi: Ole G. Jensen

Arfininngornermi pisuttuarneq qimmimut taassumalu piginnittaanut pissanganarsigaluaqaaq. Qimmeq højskolip tunuani Saqqaarsukkut qummukareerluni ammut ingerlaqqinneq ajulerpoq, qimmillu piginnittuata nammineq nakkarsinnaanini annilaangagalugu ikorneq ajulerlugu.

- Politiit piginnittumit saaffigineqarput tamatumalu kingorna qatserisartunut ikioqqulluta saaffiginnippugut. Qatserisartup qaqqamiit ammut ninginneqarluni qimmip aqqarnissaa isumagaa, Jack Nathansen Qaqortumi politeeqarfiup pisortaa oqaluttuarpoq, ilanngullugulu oqaatigaa sapaatip akunnerata naanerani Qaqortoq eqqissisimaarfiusimasoq.

Powered by Labrador CMS