Timmisartorsuaq marlunngornermut kinguarpoq
Norsaq Kangerlussuarmut ataasinngornermi apuutinngitsuussaaq, timmisartuussinisarlu marlunngornermut kinguartinneqarpoq, 'Kunuunnguamillu' ingerlanneqassalluni.
Annonse
Ullumi ataasinngornermi Air Greenlandip timmisartuussinissai nalunaarutigineqareersutut kinguaattoortutut aatsaat aqagu ingerlanneqartussanngorlutik kinguaattoorfioqqittut, Air GReenland ilisimatitsivoq.
Norsap teknikkikkut piareersarneqarata naammassineqarsinnaannginnera tamatumunnga pissutaavoq, taamaattumillu Danmarkimut timmisartuussinissat tassungalu atatillugu nunatta iluani angallissinissat marlunngornermut kinguartinneqarput, 'Kunuunnguaq' immikkut timmisartuussisussanngorlugu.
Danmarkimiit ataasinngornermi ilaasussat ilaasoralugit Københavnimiit nal. 12.00 aallassaaq. Timmisartuussinissamut tassunga nunatta iluaniit immikkut timmisartuussinissat naammassiumallugit 'Kunuunnguaq' aqagu Kangerlussuarmiit aatsaat nal. 21.25 aallassaaq.