TV digitaliusoq atulissaaq
Digitalimik aallakaatitsivikkut nutaakkut inatsisartuni oqallinnerit toqqaannartumik kipisuitsumillu aallakaatinneqarsinnaalissapput. Akerlianik mellembølgemik aallakaatitsivik atorunnaassaaq.
Europami pisoqarneratut Kalaalit Nunaanni analogimik allakaatitsivik atorunnaarsikkiartuaarneqassaaq.
Taarsiullugu nunatsini inoqatigiit tamarmik TV-mik digitalimik pilersorneqassapput attaveqarfik DVB-T-mik taaneqartoq aqqutigalugu (Digital Video Broadcasting Terrestial).
Maannakkorpiaq Tele Namminersorlutillu Oqartussat ulapputigaat siunissami Kalaallit Nunaanni radio fjernsynilu atorneqartussat ujarlugit.
Ineqarnermut, Angallannermut Avatangiisinullu naalakkersuisoqarfiup aallakaatitsivimmut teknikkikkut »motorvej« pillugu ukiunut qulinut Telemik isumaqatigiissuteqarnissaq ilusilersorpaa.
Immikkoortoqarfimmi pisortap Michael Pedersenip tikkuarpaa kanalit imarisassaat qularnanngitsumik aalajangerneqassasoq Kulturimut, Ilinniartitaanermut, Ilisimatusarnermut Ilageeqarnermullu naalakkersuisoqarfimmit.
Telemi teknikkikkut pisortap Jørn Jespersenip erseqqissarpaa ukiunut qulinut isumaqatigiissuteqarnikkut atuisartunut akit ullumikkutut annertutigiinnarsinnaasut.
Sermitsiaq nr. 44 atuaruk.