Immikkut FM kanali akisooq
Nunamut tamarmut immikkut FM-kanalimik pilersitsineq 11,3 millioner koruuninik akeqassaaq.
Tatuma saniatigut ingerlannera aserfallatsaalineralu. Taamatut Sermitsiamut paasissutissiivoq Tele-mi teknikkikkut pisortaq Jørn Jespersen.
Apeqqut tamanna saqqummerpoq inatsisartunut ilaasortaq Kristian Jeremiassen, Siumut, inatsisartut siulittaasuannut Josef Motzfeldtimut allakkamini allammat, immikkut kanaleqartariaqartoq inatsisartut ataatsimiinnerinik toqqaannartumik aallakaatitsisartussamik.
Ullumikkut KNBR-ip inatsisartut ataatsimiinnerit aallakaatittarpai FM-kanali atorlugu. Tamannali taamaallaat 16.30 tungaanut ingerlasarpoq, tamatuma kingorna KNR-p radioa aallakaatitsilertarmat.
Tamanna pissutigalugu innuttaasut oqallinnerit pingaarutillit malinnaaffiginngitsoortaraat Kristian Jeremiassen allappoq.
KNR-p saniatigut Inatsisartut ataatsimiinnerat internetikkut malinnaavigineqarsinnaavoq.