Sisimiuni imeq qalaqqaassaaq
Illoqarfiup ilaani Qajaasani imermik misissuinerup kingorna paasinarsivoq imeq bakteriaqartoq. Pisortat erngup qalaqqaartarneqarnissaa kaammattuutigaat.
Sisimiuni illoqarfiup ilaani Qajaasani erngup annertuallaamik bakteriaqalersimanera paasineqarpoq. Imeq kingullermik novembarip 4-ni misissuisorneqarpoq, Inuussutissarsiornermut Suliffeqarnermullu Naalakkersuisoqarfimmi uumasut nakorsaaneqarfiat nalunaarpoq.
Uumasut nakorsaata ittuata Sisimiuni illoqarfiup immikkoortortaani Qajaasani najugallit kaammattorpai imeq imerneqartussaq qalaqqaartaqqullugu.
Tamatuma saniatigut uumasut nakorsaaneqarfiata Upernavimmi, Uummannap eqqaani Ikerasanni aammalu Qaqortup pigisaani Eqalugaarsunni erngup qalanneqartarnissaa kaammattuutigaa.
Taamaammat Upernavimmi, Uummannap eqqaani Ikerasanni aammalu Qaqortup pigisaani Eqalugaarsunni imeq qalaqqaarlugu aatsaat imerneqartassasoq.
Nukissiorfiit piaarnerpaamik imeqarfimmi erngullu aqqutaani bakteriaajaaniarput. Bakteriaajaaneq naammassippat erngup bakteriaqassusia misissorneqaqqissaaq.
Misissuinerit nutaat inerneri tiguneqarpata Uumasut nakorsaaneqarfiup nalunaarutigiumaarpaa, imermik qalaassisarnissamik innersuussut attatiinnarneqassanersoq.