Naalakkersuisut: Danmarkimi palasi ataannassaaq
Naalakkersuisut siulittaasuata Kuupik Kleistip qularutigeqqunngilaa, Danmarkimi kalaallimik palaseqartitsineq atuutiinnassasoq.
Annonse
– Ilagiit kalaallit Danmarkimi sullinneqarnerat suli pitsaaneroqqullugu sulivugut, Kuupik Kleist marlunngornermi tusagassiortunik katersortitsinermi oqarpoq.
Kuupik Kleistip ilanngullugu oqaatigaa Kalallit Nunaanni palasit danskit Danmarkimilu palasit kalaallit atugaasa pitsaanerusumik aaqqissuunneqarnissaat anguniarlugu sulisoqartoq.
Kuupik Kleistilli oqaatigisinnaanngilaa Danmarkimi kirkeministeriap ilagiit kalaallit Danmarkimiittut palaseqarnissaat akilerusussaneraat.
2010-mut aningaasanut inatsimmi ilagiit kalaallit Danmarkimiittut palasimit ataatsimit sullinneqarnerinut million koruunit illuartinneqartarput.
Danmarkimi palasimik atorfeqartitsineq aatsaat siullermeertumik oqallisaalinngilaq.