Palasitut atorfiup atorunnaaarnissaanut akerliupput
Danmarkimi palasitut atorfimmik naalakkersuisut atorunnaarsiniarnerannut kalaallit peqatigiiffiisa kattuffiata kattuffik akerlilerpaa.
Danmarkimi palaseqartitsineq ukiumut 1 million kronit missiliorlugit aningaasartuutaasarpoq. 2010-mi aningaasanut inatsisissamut siunnersuummi takuneqarsinnaavoq aningaasaliissutaasartut 2011-mi peerneqassasut.
Tamanna kalaallit Danmarkimi peqatigiiffiisa kattuffiata 'Inuit' iluarinngilaa.
- Danmarkimi kalaallit palasiattut atorfiup 2011-imi atorunnaarsinniarneqarnera kalaalerpassuit maani najugaqartut iluarinartinngilaat, kattuffiup siulittaasua Bitha Metelmann naalakkersuisunut ammasunik allagaqarluni allappoq.
- Kalaallit pisariaqartitsilerfimminni namminneq oqaatsisik atorlugit palasimik saaffissaarunnissaat toqqissismanartinneqanngilaq, Bitha Metelmann allappoq.
Kattuffiup naalakkersuisunut ammasunik allagaqarluni sooq atorfik matuniarneqarnersoq apeqqqutigaa.
Aningaasanut inatsisissamut siunnersuummi allassimavoq Danmarkimi ilageeqarnikkut suliassat nalinginnaasut 2011-imiit Danmarkimi ilageeqarfimmiit isumagineqartalissasut,
– Taakku (palasit, aaq.) ullumikkut pisariaqartinneqartarput, pisariaqartitsisarnerlu siunissami milliartussanngilaq, Doris Jakobsen nalunaaruteqarpoq.
Folketingimi ilaasortap kalaallit Danmarkimi najugallit amerliartuinnarnerarpai. Tassaapput ilinniagaqartut, napparsimasut, napparsimallutik uninngasut, parnaarussivinniittut eqqarsartaatsimikkullu ajoqutillit.
– Taamaattumik kuisittartut, apersortittartut, katittartut ilisaasartullu ikiliartussanngillat, Doris Jakobsen tikkuaavoq.