Nuummiut kapitinnissaminnut neqeroorfigineqarput

Kapitinnissamut inniminniisoqarsinnaavoq nakorsiartarfiup oqarasuaataa sianerfigalugu, e-lægen-imut allalluni namminerluunniit nakorsiartarfimmut saaffiginninnikkut.

Pingasunngornerit tallimanngornerillu tamaasa nualluummut A-mut illersuutaasinnaasumik kapitittoqarsinnaavoq nal. 14.00-miit 15.30 ilanngullugu.

Nuummi inuit makkunannga akornutillit kapitinnissaminnik neqeroorfigineqarput:

* Pualluttut

* Uummatimikkut taqqamikkullu akornutillit

* Aammikkut nappaatillit

* Sukkornermik nappaatillit

* Illersuutissamikkut sanngiitsut

* Sianiutimikkut nappaateqarnertik pillugu anersaartornermikkut ajornartorsiutillit quersorpiarsinnaanngitsullu

* Tingulluttut tartuluttullu

* Pualavallaartut

* Allatut nappaatillit nakorsat naliliinerisigut kapitinnissamut piukkunnartut.

Naartusut makku tunngavigalugit aamma kapitissinnaapput:

* Qaammatit sisamassaat sinnerlugilluunniit naartusut

* Qaammatit pingasunngorlugit naartusut nappaateqarnertik pissutigalugu nualluummik sakkortuumik atuisinnaasutut nalilikkat.

Nappaatit pillugit nakorsat naliliinerisigut kapitinnissamik innersuunneqarsinnaapput.