Nunaminerals amigartuussangatinneqarpoq
Misussueqqinnissamik piginneqatigiiffiup qaammatini pingasuni naatsorsuutaasa takutippaat 5,5 million koruuninik amigartoortoq.
Nunaminerals A/S-ip siulersuisuisa pingasunngornermi 2009-mi qaammatinut siullernut pingasunut naatsorsuutit akueraat.
Piffissap taassuma iluani naatsorsuutit inernerisa takutipaat akileraarutissat ilanngaatiginagit 5,5 million koruuninik amigartoortoqartoq, misissueqqinnissamik pilersaarutit allartinnerisa kingorna, tamanna naatsorsuutaareersimavoq.
Nuukfjord Goldmines Ltd.-mik isumaqatigiissutip sunniutaa naatsorsuutini ilaanngillat.
Nunaminerals ukioq manna qaammatit pingasukkaat siulliit 20,7 million koruuninik misissueqqissaarnissanut aningaasaliivoq, 2009-mi ukiup affaanut siullermut pilersaarutit allaaserineqarneri malillugit.
Aningaasaqarniarneq suli ajunngilaq maannamut aningaasaliissutaasinnaasut 45,7 million koruuniupput, piginneqatigiiffik nalunaarummini allappoq.