Misissugaqarluni tusagassiorneq siunissaqanngilaq
Kalaallit Nunaanni paasiniaalluarluni tusagassioriaaseq atorneqaleraluarlunilu tammariartoqqilissaaq, tusagassiortoq Elna Egede taqamooriaavoq.
Misissugaqarluni tusagassiorneq Kalaallit Nunaanni sivikitsuinnarmik atorneqarleraluartoq unitsinneqalersoq, tusagassiortoq Elna Egede taqamooriaavoq. Taassuma 'attartortumiit piginnittumut' allaatigisat qulaajaasut suliarinikuuai. Aviisini ikilisaanerup kingorna siunissami tusagassiortut itisiliillutik sulisinnaajunnaassapput, AG-mut ullumi saqqummersumut oqarpoq.
– Tusagassiortunut ajornartorujussuuvoq pissutigalugu nutaarsiassaatitik nittartakkanut tunniuttarmatigit. Maannakkut aviisit napaannarniarlutik aniguiniarsaripput. Misissuilluarluni tusagassiorsinnaaneq ajornarsilluinnarpoq, Elna Egede oqarpoq.
Elna Egedep isummersuutai saqqummerput nunat tamalaat akornanni Københavnimi 'Graverkonference' misissueqqissaarluni tusagassioriaaseq pillugu ataatsimeersuarneq qanittukkut ingerlanneqarmat.
Elna Egede ataatsimeersuarnermut qaaqqusaavoq, qaammatit 15-it ingerlaneranni 'attartortumiit piginnittumut' kusanaatsuliaq pillugu allaaserisaqartarnerminik oqalugiartussatut.
Allaaserisat kingorna Elna Egede tusagassiortunut nersornaasiunneqartartoq Carsten Nielsen-legatet 2008-mi pissarsiaraa.
Dansk Journalistforbundip nittartagaanni 'Den Store Graverkonference 2009 ' pillugu aallakaatitaq uani takuuk.