Immap seernartup qaleruallit Issittumiittut toqorassavai
Silaannarmi CO2-p annertusiartuinnartup imaq seernarnerulersippaa. Ukiut arfineq-pingasut qaangiuppata Qalasersuup eqqaani imartaq ima seernartoqartigilersimassaaq allaat qaleruallit uumasinnaajunnaassallutik.
Annonse
CO2-p seernarngata Issittumi qaleruallit tamaasa nungutissavai nerisaqaqatigiinnerlu aserorlugu.
Frankrigimi ilisimatusarnermi qitiusoqarfiup Svalbardimi misissuinermini tamanna paasivaa. Allanngoriartornerli tassunga uninnavianngilaq.
2050-imi Issittup imartaata 50 procentia raajaarussimassaaq, uillut, peqqussuit qaleruallillu mikisoralaannguit aalisakkat arferillu uummassutaat nungussimassapput. 2100-mi imaq tamarmi uumasuerutissaaq, Telegraph.co.uk issuarlugu klimaupdate.dk taama allappoq.
Professor Jean-Pierre Gattuso ilisimatusartut qitiusoqarfianneersoq naapertorlugu uumasunit innarlianerpaavoq uiloq »limacine helicina«, taanna timmissanit, arfernit aalisakkallu ilaannit pinngitsoorneqarsinnaanngilaq.