Eqalugaarsunni imeq qalateqqaartassavaat
Nunaqarfiup imeqarfia bakteriaqarpallaalersimasoq paasineqarsimammat.
Imeq imigissaq kingullermik 30. september 2009-mi misissuiffigineqarmat nunaqarfimmi Eqalugaarsunni imeq bakteriaqarpallaalersimasoq paasineqarsimavoq. Taamaattumik namminersorlutik oqartussat uumasunut nakorsaanerata eqalugaarsummiut kajumissaarpai imeq qalateqqaarlugu aatsaat atortaqqullugu.
Upernavimmi Ikerasammilu qalatitseqqaartarnissaq aamma atatiinnarneqartoq namminersorlutik oqartussat peqqinnissamut immikkoortoqarfiat tusagassiorfitsigut ilisimatitsivoq.
Taamaattumillu inassutigineqarpoq Upernavimmi Ikerasammilu innuttaasut imeq qalateqqaarlugu aatsaat imertassagaat.
Niaqornani Uummannap eqqaaniittumi qalatitseqqaartarnissaq atorunnaarsinneqarpoq.
Nukissiorfiit imeqarfik tamaat piaartumik bakteriaajassavaat, tamatumalu kingorna imeq misissorluaqqissallugu.
Misissuisoqareerpallu uumasut nakorsaqarnerisigut immikkoortortaqarfimmiit nalunaarutigineqarumaarpoq, qalatitseqqaartarnissaq attatiinnarneqassanersoq taamaatinneqassanersorluunniit.