Nanoq periarfeeruppoq
Piniarnermik nakkutilliisut angallatillu arlallit Sermitsiap eqqaani nanoq ujaraluarpaat iluatsitsinatik.
Nanoq tallimanngormat Sermitsiap eqqaani takuneqartoq Nuup Kangerluani arlaaniippoq. Piniarnermik nakkutilliisut angallatit arlallit peqatigalugit tallimanngormat ualikkut nanoq ujaraluarpaat takunngitsoorluguli.
– Inuit sisamat nanoq takusimgaluarpaat. Qinngani kisiat nuisillugu nalussinnaasimavoq taamaasillunilu takujuminaalluni, piniarnermik nakkutilliisoq Vittus Nielsen Sermitsiaq.gl-imut oqarpoq.
Nuummi politiit Sermitsiaq.gl-imut oqaatigaat tallimanngormat Sermitsiap eqqaani takuneqarneranit nanoq tusagaqarfigeqqissimanagu.