Ukiut 35-t Ikastimi
Kalaallit peqatigiiffiat Nanoq arfininngornermi 35-nik ukioqalerluni nalliuttorsiornini malunnartillugu kalaallit peqatigiiffiinit allanit aammalu kalaallit peqatigiiffiisa kattuffiannit Inuit-mit qaaqqusarpassuaqarpoq.
Annonse
Phønix-ip illorsuani nalliuttorsiorpalaartumik nerersuartoqarpoq.
Siulittaasup Johanne Petersenip, 1974-mi peqatigiiffimmik pilersitseqataasoq Dan Hansen, taamanili ingerlaavartumik ukiunin 35-ni siulittaasup tulliatut inissisimasoq tunissuteqarfigaa.
Nerersuaqatigiinnerup nalaani tusarneqisumik aammalu nuannarineqartumik nipilersortuusup Nikolai Løvstrømip nalunaarutigaa Danmark Sverige 1-0-imik ajugaasoq, tusartut nikutseriarlutik tassanngaannaq nuanneqisumik "Og det var Danmark, og det var Danmark" erinarsuutigaat.
Nerersuaqatigiit siku nannutut ilusilik kinguleqqiutitut nerivaat.
Kalaallit peqatigiiffiat Århusimiittoq Qajaq, Danmarkimi kalaallit peqatigiiffiisa pisoqaanersaraat 50-it missaannik ukioqarami.