Pisortaq: Juumuunik atorfinitsitsisoqarli
Arnat peqqissut angerlarsimaffitik qimallugit erniartortinneqartarnerat kanngunaqaaq, juumuut qullersaat Gunver Persson oqarpoq.
Qaanaami, Illoqqortoormiuni Qeqertarsuarmilu arnat naartusut 18-it 2008-mi illoqarfimmut allamukarlutik erniartortariaqarsimapput. Nappaateqanngikkaluarput, nunaqarfimmiuunatik naartuilu navianartorsioratik. Taamaattoq najugaqarfitsik qimallugu erniartorput, Upernavimmut, Tasiilamut Ilulissanullu.
Tamanna pissusissamisuunngitsoq, juumuut qullersaat Gunver Persson isumaqarpoq.
Taassuma ukiut arlerlugit misilissimavaa peqqinnissaqarfimmi qullersat taarseraattut paasitinniarlugit juumuunik amigaateqarneq iliuuseqarfigineqartariaqartoq.
– Peqqinnissaqarfiup kiffartuussineq pingaaruteqartoq pisariaqarluinnartorlu tunniussinnaanngilaa, tassalu ernisuttunik nalinginnaasumik ikiorsiineq, tamannalu kanngunaqaaq, pingaartumik nalunagu juumuunik pissarsiniarneq ullumikkut qanoq ajornanngitsigisoq, Gunver Persson oqarpoq.
Sermitsiaq nr. 42 atuaruk...