Juumuut aalassassimaarput
Juumuut peqatigiiffiat suliasamut akuliutsinneqarpoq juumuut qullersaata suliffini annaassagaluaruniulluunniit peqqinnissaqarfiup pisortaasa aalajangiussaat allanngortinniarlugu suliniuteqarnerani.
Peqqinnissaqarfiup qullersai juumuullu qullersaqarfiat isumaqatigiinngitsorujussuupput ernisut qanoq ikiorneqarnissaannik suleriaaseq kisiat pinnagu, aammali kikkut sulisunik atorfinitsitsisinnaanerannik oqartussaaffik kiisalu sulisut nuutsinneqartarnerannut tunngasut pillugit. Ernisussiortut Kattuffiat, EK, pisumut akuleruppoq.
Maannakkut pisumi pineqarpoq Aasianni naartusut 35-t sapaatip akunnerata tullianiit sapaatit akunnerini tullerni arfinilinni juumuussaqannginnerat.
Peqqinnissaqarfiup pisortaa Jens Otto Veje siuttoralugu qanittumi aalajangiisoqarpoq juumooq taartaagallartoq Gunver Perrsonip atorfinitsissimasaa, Aasianniit Uummannamut nuutinneqassasoq.
– Juumuut qullersaata atorfinitsinneqarneranut atatillugu suliassiissutigineqartut ilaannut piffissaanngitsumik akuliunneruvoq, juumuut peqatigiiffiani siulittaasoq Ejla Størup oqarpoq erseqqissarlugulu atorfinitsitsineq, sulisunik agguataarineq aammalu soraarniuteqarnerit juummut qullersaata suliassaqarfiiniimmata.