Ilaqutariit INIp inissiaatipalaavanut nuupput
INI ilaqutariit inuit sisamat inissiamut ipermik suunanilu tipittumut innersuuppai.
Sten Egede martsimi namminersorlutik oqartussani suliffittaarmat ilaqutariit inissiamut utaqqiisaagallartumut nuuttariaqalerput. Qammatit sisamat qaangiummata ilaqutariit inigallagassaminnut nuupput. Inissiat tamarmik INI-mit nakkutigineqarput, Sten Egedelli ilaqutaalu inigigallagassaminnut tikiukkamik annilaarujussuarput.
– Igaffik sussaanngilluinnarpoq: Aamakut, sodavandit puukui, nerrivimmi natermilu nerisat sinnikui, kissarsuut ipersuarmik sussaanngitsoq, suna tamarmi pujoralak inussunnersuarlu, Sten Egede Anna Kleistilu inissiamut atorfilittut initaarnissamik tungaanut najugarisassaminnut iseqqaarnertik pillugu oqaluttuarput.
Igaffilli kisimi maajunnanngilaq. Sinittarfimmi oqorutit puui taarserneqarsimanngillat, aammalu qipik tungerlu aagasattuinnaapput. Allarutit allallu ipermik sussaanngitsut sumi tamaaniipput.
Allaaserisap sinnera Sermitsiami nr. 37-mi atuaruk...