Nunatsinni Loch Nessimisut uumasorujussuaq?
Nassuttuumi aavartut tatsimi uumasorujussuaq angisooq takusimavaat. Uumasunik ilisimatuut oqarpoq arfiunavianngitsoq aamma puisiunaviarunarnarni.
Aavariap Jens Frederiksen aamma aavariaqataata ungasinngitsukkut Nassuttuumi aavatillutik tatsimi uumasoq angisoorsuaq iginnaarsimavaat. KNR-imut oqaluttuarpoq, uumasorujussuaq arfermut assingusoq, kisianni nalunaaquttap akunnerata missaani iginnaarnerani uumasup sarpianik takusaqarsimanngillat, taannami aqqarsimavoq aamma pueqqissimalluni Seernillip Tasiani.
Aavartut eqqoriarpaat uumasoq suunersoq ilisimanngisartik arfertut angitigissasoq.
Pinngortitaleriffimmi uumasut miluumasut aamma timmissat pillugit immikkoortortaqarfimmi pisortaq Fernando Ugartep aamma eqqoriarsinnaanngilaa uumasoq suusinnaassanersoq.
Ilimaginngilaani arfiusinnaanera, naak siusinnerusukkut takuneqartarsimagaluartoq arferit tatsinut majortarnera. Kisianni Seersinnillip Tasia sinerissamiit kilometerinik qulinnik tiffasissuseqarpoq, taamaattumik takuneqarsimasup arfiusinnaanera ilamanaateqanngilaq, Ugarte aamma isumaqarpoq taanna puisaasinnaanngitsoq, tassami qulanarpoq puisip arfertut atsigilersinnaanera,