Binzer: Tapiissutit taarsigassarsiatut tunniunneqarlik

Ilinniarnermi tapiissutit taarsigassarsiatut, ilinniagaqartut Kalaallit Nunaannut uteqqippata isumakkeerneqartussatut tunniunneqartarsinnaapput.

Ass.: Leiff Josefsen.

Kalaallit Nunaanni inuiaqatigiit inuusuttut ilinniariartorlutik nunanut allanukartartut immaqalu uteqqinngisaannartussat hundrede tusintinik arlalinnik tuniorartuartarnissaannut akissaqanngillat.

Taamaattumik ilinniagaqarnermi tapiissutit taarsigassarsiatut erniaqaratillu taarsersugassanngitsutut, ilinniagaqartut ilinniakkatik naammassereerlugit ukiunilu pingasuni sulereerlutik uteqqippata isumakkeerneqartussatut tunniunneqartariaqarputAir Greenlandip allaffissornerani qullersaq Michael Binzer taamatut siunnersuuteqarpoq.

– Uanga isumaqarpunga ilinniarnermi tapiissutit angerlarluni suleqataanissaq piumasaqaatigalugu taarsigassarsiatut aaqqinneqartariaqartut, Michael Binzer oqarpoq.

Sermitsiap immikkoortuani SQ-mi ilinniarnermut tunngasunik annerusunik aamma atuagassaqarpoq.

Powered by Labrador CMS