2010-mi umiarsuarmik Uummannamut
Diskon Line, umiarsuarmik ilaasortaat Ilulissaniit Uummanniartoq 2010-mi aasakkut neqeroorutigilissavaa. Ataasinngornerit arfinillit Ilulissaniit Uummanniarnerit, marlunngornerni kujammukaarnerit pilersaarutaallutik.
Angalanissaq siulleq Ilulissaniit angallassaaq juunip 28-ani kingullerlu aggustip aappaanni.
Uummannamiit Saqqamut sisamanngornerni Targa 37-mik angallassinissat pilersaarutaapput, ilaasut periarfissaqarlutik Disko Linep angallataasa ilaannut Saqqamiit Ilulissiartumut ikinissaminnut, taamatuttaaq sisamanngornerni piffissami qulaani taaneqartumi.
Tamakku saniatigut Air Greenlandip nalinginnaasumik Uummannamiit Qaarsunut timmisartuussineri ingerlanneqassapput. Ataatsimut isigalugu Uummannaq siumut utimullu malittuinnarmik utikanneqassaaq, angasut assigiinngitsunik periarfissaqassapput, tamannalu ukiorpassuarni najugaqartunit, politikkerinit minnerunngitsumillu takornarialerisunit.
- Misiligutaavoq 2010-mi ukiakkut pilersaarut naammassigutsigu oqaluuserineqartussaq. Neriuppugut neqeroorut ilassilluarneqarumaartoq kikkunit tamanit, misilittakkat pitsaasut aamma pitsaasunik malitseqartarput, soorlu immaqa ukiuni tulliuttuni ataavartussatut aaqqiisoqartoq, Disko Line A/S tusagassiutinut allappoq.
Disko Line-p angalanissamut pilersaarutaa septembarip naanerani 2009 saqqummissaaq.