Oqaluffik ukiunik 100-liivoq
Paamiuni oqaluffik "Eqqissinerup Oqaluffia" ukiunik 100-liivoq, tamannalu naalagiarnermik kaffillernermillu nalliussineqarpoq.
Annonse
Paamiuni oqaluffik norskit sanariaasiattut sananeqarsimasoq "Eqqissinerup Oqaluffia" ukioq manna ukiunik 100-nngortorsiorpoq. Oqaluffik 19. september 1909-mi atoqqaarfissiorneqarpoq sapaatiummallu oqaluffiup nalliuttorsiornera nalliussineqarpoq ilaatigut biskop Sofie Petersen naalagiartitsisoralugu.
Paamiuni oqaluffik qallunaamit Helge Boyesen Møllerimit titartarneqarsimavoq taaguutigisimagaluarlugulu Paamiut Oqaluffiat, 1995-imili aqqa allanngortinneqarpoq "Eqqissinerup Oqaluffia"-nut.
– Oqaluffik 1909-mi sananeqarmat organistip Jonathan Petersenip qatanngutai angutit sanasuupput, ajoqiunermit Anders Petersenimit aqunneqarlutik, taamatut allappoq sermersooq.gl