Qatserisartut unammisut
Kujataani qatserisartut ukiumoortumik unammisarnerat iluaqutaavoq. Kukuluttortarnerit ikilipput.
Kujataani qatserisartut ukiumoortumik unammimmata sapaatip akunnerata naanerani unammisorpassuaqarpoq. Qaqortumi qatserisartut inuusunnerit ajugaapput, utoqqartartik tulleralugit.
Qtserisarnermut pingaarutillit unammissitsigalugit unammisitsisarneq iluaqutaavoq.
– Ukiuni arlalinni taamaaliunngereernikuulluta 2007-imi ukiumoortumik unammisaleqqippugut. Massakkullu takusinnaavara unamminerni kukkusarnerit ikinnerujussuanngorsimasut. Taamaattorli kukkunngitsuuinnissaq ajornakusoorpoq, Kujataani qatserisartut peqatigiiffittaavanni siulittaasunngortoq Otto Kielsen oqarpoq.
Peqatigiiffittaami qatserisartut soqutigisaat suliniutigineqartassapput siulersuisullu neriuutigaat tullianik nunatsinni kattuffimmik pilersitsisoqarumaartoq.
Unamminerup inerneri imaapput.
1. Qaqortoq (inuusunnerit)
2. Qaqortoq (uutoqqasaat)
3. Narsaq
4. Nanortalik
5. Narsarsuaq
6. Eqalugaarsuit