Atoqatigiinnermik ilisimatusarneq aningaasarpassuarnik tapiiffigineqarpoq

Ilisimatusarnissap pingaartinneqartup ilaatigut paasiniassavaa sooq issittumi kinguaasiutitigut tunillaassuuttut napaatit taama amerlatigisunik. Ilisimatusarnissaq ukiut pingasut ingerlanneqartussaq 5 million koruuningajannik National Science Foundationimit USA-meersumit taperneqarpoq.

PhD-imik ilinniartoq juumoorlu Ruth Montgomery-Andersen ilisimatusarnermik ingerlatsisussatut toqqarneqarpoq Peqqinnissamik naalakkersuisoqarfik peqatigalugu, inoqarfiit, inunnik sullissinermik suliallit, peqqinnissaqarfimmi sulisut kiisalu ilinniartut peqatigiillutik Kalaallit Nunaanni kinguaassiutitigut nappaatit ikilisinneqarnissat anguniassavaat.

- Misissuinermi atorsinnaasut tamaasa atorlugit innuttaasut peqataanerisigut pitsanngorsaataasinnaasut anguniarneqarput. Ilisimasassanik katersineq kisiat pinnagu kisiannili paasisat aamma nalilersorneqassapput, kiisalu sumiiffinni anguniagassatut aalajangiussat piviusunngortinniassavagut, taamaasilluta peqataasut kulturikkut immikkoorutaat aamma ataqqillugu peqqinnerulernissamik anguniagaq sulissutigissavarput, Ruth Montgomery.Andersen oqarpoq.

Issittup nunataani aallani aamma ilisimatusartoqassaaq.

- Ernumavugut pissutigalugu aseruunnerit atoqatigiinnikkut tunillaattartut soorlu chlamydia, meerartaarsinnaajunnaarnermik kinguneqarsinnaavoq, anniartuaannarnermik kinguneqarsinnaavoq kiisalu meerartaartoqarsinnaavoq tunillatsissimasumik. Naluarput sooq issittumi atoqatigiinnermit aseruuttoornerit tunillaassuuttut taama amerlatiginersut, aamma naluarput sooq inuit ilaat tunillatsittarnersut soorlu ilaat tunillatsinneq ajornersut, ilisimatusartoq canadameersoq Dionne Gesink University og Torontomeersoq oqarpoq.

Ilisimatusarnissamik siunertaq Ilimmarfiup, Montana State University USA-miittup, Canadami University of Toronto suleqatigiillutik suliniutaat National Science Foundation USA-miittup aningaasarpassuarnik tapiiffigaa.