Gummibådi angallateeqqamik annaassisoq
Finnmasteri sapaatiummat sissami nunamut kalluussaalluni sequminnissaraluanit annaanneqarpoq.
Annonse
Sapaatiummat ualikkut kingusissukkut Finnmaster 7050 Nuummi umiarsualiviup avatangiinguani motoriminik unittoorpoq.
Taamaalinerani kujasimmik anorsaartukasiullunilu siallerpoq, angallatillu sissami tippussaanissaa aarlerinartorujussuulluni.
Umiarsuarmili nakkutilliissummi Knud Rasmussenimi pinasuartoqarneratigut umiatsiaq suli tippunneqanngitsoq annaanneqarpoq.
Umiarsuup gummibådia singikkasuarneqarpoq Finnmasterilu sissamiit 15 meteriinnarnik ungasissuseqalersorlu annaanneqarpoq.
Umiatsiaq inuttaalu marluk kalillugit umiarsualiviliaanneqarput.