Septembarimi sila ukiorpalaartoq

Nuummi kulturisiornermut atatlllugu silami ingerlatassaagaluit tamangajammik sapaatip akunnerata naanerani apileriasaarnera pissutigalugu taamaatiinnarneqarput.

Sissami igaarnermut taarsiullugu apummik milluunneqarpoq. Assi: Sermitsiaq
Apummit matugaapput naasunnguit. Assi: Sermitsiaq
Sissami igaarnermut taarsiullugu apummik milluunneqarpoq. Assi: Sermitsiaq Apummit matugaapput naasunnguit. Assi: Sermitsiaq Sissami igaarnermut taarsiullugu apummik milluunneqarpoq. Assi: Sermitsiaq Apummit matugaapput naasunnguit. Assi: Sermitsiaq Sissami igaarnermut taarsiullugu apummik milluunneqarpoq. Assi: Sermitsiaq Apummit matugaapput naasunnguit. Assi: Sermitsiaq

Attartup sissaani ikumaartitsinissaq, puisimik pilallaqqinneqqusaanneq Nuutoqqamilu qajartullaqqinneqqusaannissaq qilanaarineqartorujussuusimagaluarput.

Tallimanngormalli unnukkut aallatittumik apileriasaarnerata tamakku ajornarsisippai. Arfininngornermi ullaakkut illoqarfik apummik qaallorimmik qallersimavoq, sapaammili sila allanngoqqippoq apullu sialunnguulluni masannartuliorninnguullunilu. Ataasinngornermilu ullaakkut ukiupallakkaluarsimanera suami malunnarpoq.

DMIp ilimasaarutai malillugit tallimanngornermi issittussaavoq unnuakkut ullukkullu, arfininngornermi unnuakkut minus 10 tikillugulu ississaalluni, brrr.

Kulturi uterfigeqqikkutsigu: Nuummi kulturisiornermi illup iluani ingerlatassat tamarmik ingerlanneqarput, naak sila pissutaalluni aggiasoqarpianngikkaluartoq, Siverth Lynge Kommuneqarfik Sermersuup Nuummi sunngiffimmi sammisassaqartitsivianeersoq NKR-ip Iterluarnaaq-vanut oqaluttuarpoq.

Ilaatigut atisanik takutitsisoqarpoq, inuusuttunut assinik saqqummersitsisoqarluni, katersortarfimmi qittattoqarluni kalaallisoorinneqqusaattoqarlunilu.

Naalakkersuisuusimasut septemberip 28-iat nunatsinni kulturisiortarfinngortissimavaat.

Kulturikkut ullorsiornermi assilisat uani i siginnaarsinnaavatit.

Powered by Labrador CMS