Ilisimatuut mianersoqqusipput
Danmarkimi nunanilu allani ilisimatuutut misissuisartut 100-it Danmarkip Kalaallit Nunaanni ilisimatuutut misissuinngippallaarnera akerliuffigaat.
Tassa naagaffiup Kalaallit Nunaanni Issittunilu misissuisoqarfini Nordatlantens Byggemiittut matutitermagit
Siullermik Dansk Polarcenter matuneqarpoq, tullianillu Nationalmuseep Centert for Grønlandsforskningia matuneqarpoq massakkullu aamma Polarbiblioteket immikkoortiterneqaraluttualerluni taamalu inuinnarnut iserfigiuminaallissalluni.
Taakku saniatigut aamma Københavns universitetip eskimoligimut issittunilu ilisimatusarnermut immikkoortoqarfii allamut nuuttussaapput, Videnskabsministereqarfiup Strandgade 1002 Nordatlantens Bryggemiittoq attartorunnaartussaammagu.
Danmarkimi nunanilu allani ilisimatuutut misissuisartut 100-it ilaatugut Folketingip grønlandsudvalgia qanoq iliuuseqaqqullugu qinnuigaat.
– Qallunaat issittuni misissuisoqargfiat nunani tamani akuerisaasoq nungusarneqarmat qanoq iliuuseqartoqartariaqarpoq, ilisimatuutut misissuisartorpassuit ilaatigut USA-mi, Tysklandimi Skandinaviamilu misissuisartutut ataqqisaasut allapput.
Pingaartumik Polarbibliotekeo ataatsimuuinnartinneqarnissaa ilisimatuut pingaartippaat.
– Polarbiblioteket silarsuarmi taamaattut anginersaraat periarfissatullu naleqarluinnartutut isigineqarluni, ataatsimoortumik sullissiviugami, Susanne Dybbroe, Hans Christian Gulløv aamma Jens Dahl ilisimatusarnermut ministerimut Helge Sanderimut (V) Folketingillu grønlandsudvalgianut saaffiginnissutimini allapput.
Isumaqarput biblioteki, Dansk Polarcebteriusimasuo, Eskimologoiusimasup Københavns Universitetimilu Arktisk Studieriusimasup kiisa Arktisk Institutip ataatsimoorlutik bibliotekerisimasaat naalagaaffimmi piginngitsoorneqartariaqarsinnaanngitsoq.
– Forskningscenteret (Dansk Polarcenter + Polarbiblioteket, aaq.) piviusunngortinneqarsimaput, taakkulu nunat issittortallit allat tulluusimaarutissaralui Danmarkip inissamik atorluaajumalluni iginnialerpai.
Forsknings- og Innovationsstyrelsi allanngortiterimmat Dansk Polarcenter ukiormanna februarimi atorunnaarsinneqarsimavoq. DPC-ip Forsknings- og Innovationsstyrelsp immikkoortuisa ataqatigiissinnissaat suleqatigiissinnissaallu suliassaraa.
Dansk Polarcenter Kalaallit Nunaani issittunilu ilimasat katersorneqarnissaat pillugu 1989-mi pilersinneqarsimavoq, ilisimatuutut misissusartut pisortanillu siunnersuisartut tapersersuinerisigut.