Issittunut misissuiartortarneq Julianep sukataarutigaa
Folketingimi ilaasortap Juliane Henningsenip (IA) ilisimasimatusarnermut ministereqartiup Polarbibliortelkip Nordatlantens Bryggemiittup immikkootiterneqarnissaanik aalajangernera isornartorsiorpaa. Taamatut aalajngernikkut Kalaallit Nunaannut ilisimatuutut misissuiartortarneq ulorianartorsoíortinneqarpoq, ilisimatuutut misissuisartut mianersoqqusipput.
– Polarbiblioteket paasissutissanik nalilerneq ajornartunik, pigiuarneqartariaqartunillu imaqarpoq. Atuagarpassuit, allattukkat assilissallu Issittuneersut kulturikkut pisuussutaapput silarsuarmi sumiiffimmi allami nassaarineqarsinnaanngitsut - Kalaallit Nunaanniluunniit. Kingornussat taakku Danmarkip illersortariaqarpai ineriartortittariaqarlugillu, taakkulu sapinngisamik pitsaanerpaamik tikinneqarsinnaasuunissaat pingaartuuvoq, Juliane Henningsen Informationimut oqarpoq.
Isumaqarpoq, Polarbiblioteket ilisimatuutullu misissuisarneq immikkoortinneqassappata Danmarki imminut ajoqusissasoq.
– Pingaartumik piffissami silap pissusaasa allanngoriartuleruttorfianni isittuni misissuisarnerup tamannalu pillugu paasisanik katersuinerup annikillisarnissaa kimulluunniit iluaqutaanavianngilaq, Juliane Henningsen oqarpoq.
Kalaallit Nunaanni uversitetip (Ilisimatusarfik) Nuummiittup aamma aalajangerneq taanna isumakuluutigaa.
»Danmarkimi ilisimatusarnerup sumut tamaanga immikkoortiterneqarnissaa aamma Kalaallit Nunaanni universitetimut annaasaqaataassaaq, Kalaallit Nunaannili universitetiinnaanngitsup, silarsuarmili ilisimatuutut misissuisartut tamarmik Danmarkip taamaattumik peqarnera iluaqutigisarpaa. Danmarkip issittuni ilisimatusarnermik annikillileriniarneratigut qallunaat, kalaallit silarsuarmiullu kulturikkut kingornussaat ajoquserneqassapput, Kalaallit Nunaanni Universitetsip siulersuisuisa siulittaasuat Tove Søvndahl Pedersen oqarpoq.
Ilisimatuutut misissuisartut 100-it ilisimatusarnermut ministerimut Helge Sanderimut Folketingilu Kalaalli Nunaat pillugu ataatsimiititaliaanut allagaqarlutik Nordatlantens Brygge-mi ilisimatusarnikkut ingerlatat tamarmik matuneqanissaat sakkortuumik akerlilerpaat.