Julie nipilersoqatigaa
Jens Grønvoldikkut Knud Peter Brandtillu 11-nik ukiullit Julie Berthelsen Naturcenter Brokolmimi nipilersoqatigiit, meeqat Qasigiannguaneersut 21-it angajoqqaarsiaasa unnussiuaaqatigiinnerannut atatillugu.
Annonse
Erinarsortartup Julie Berthelsen ippassaq unnukkut kalaaliaqqat, qaammatini pingasunngulersuni angajoqqaarsiaqarlutik Skivep qaaniissimasut pulaarpai. Nukappiaqqat ilaasa marluk, Jens Grønvoldikkut Knud Peter Brandtillu, namminneq illoqarfimminni Qasigiannguani nipilersortartut, Julie nipilersoqatgalugulu erinarsoqatigaat.
Juliap erinarsortagaannarinngisaanik, aammali nukappiaqqat namminneq atortagaannik.
Kalaaliaqqat julip naalerneranili qallunaanik angajoqqaarsiaqarsimasut angerlarnissaminnut piareersariartuaalerput. Unnuamilu sapaatip ataasinngornerullu akornanni angerlarsimapput.