Silarsuarmi kissakkiartornerup nunarsuaq sajuppilutsippaa
Klimaforandringerne og smeltningen af indlandsisen omkring Grønland får verdenshavene til at flytte sig og dermed vippe hele planeten, lyder det fra amerikanske forskere.
Nunarsuup kissakkiartornera pinngortitamik illersuiniaqatgiiffiit silallu pissusaanik misissuisartut kisimik nikallungassutiginngilaat. Misissuinikkut aamma paasineqarpoq nunarsuaq pisarnerminiit illua tungaanut uinganerulaalersimasoq, Kristeligt Dagblad allappoq.
Nunarsuaq 23,5 gradinik uingalaannguarluni kaavittussaavoq.
Kissakkiartornerli ilutigalugu pingaartumik sermersuup aannerata nunarsuup imartaanut kuuneratigut immat oqimaannerulerput taamalu nunarsuup uiangaarneranut sunniuteqarlutik, Felix Landerer amerikamiut avataannarsuarnik misissuisoqarfiata Nasap misissuisoqarfiani oceanografiusoq taama ilisimatitsivoq.
– Nunarsuaq kaavititaarujussuuvoq, illuatungaalu oqimaannerulerpat taava aamma kaavinnerata oqimaaqatigiiffia nikissaaq, Felix Landerer ilisimatuut atuagassiaannut New Scientist-imut taama oqarsimanerarneqarpoq.
Siusinnerusukkut misissuinertigut aamma nunarsuarmi kissakkiartornerup nunarsuup kaavinneranut sunniuteqarnissaa eqqaaneqartareernikuuvoq. Tamatumali nunarsuup imartaanut sunniutissai siusinnerusukkut nalilersorneqarsimanngillat.
Silarsuup imartai nikissapput
Nunarsuup uingaarnera nunarsuarmi kissakkiartornerup akiorniarneqarneranut taama pingaaruteqartigimmat tamatumunnga ilisimatuut oqarnerattut pissutaavoq, nunarsuup uingaarnerata kissakkiartornerullu ataatsimut katillutik nunarsuup imartai nikisillugillu oqimaannerulersissammatigit.
Tamannalu nunarsuarmi sumiiffiit ilaasa sakkortunernerusumik eqqugaallutillu immat qaffariarnissaannut sunniuteqartussaavoq.
Kalaallit Nunaanni sermersuup aakkiartornera nunarsuup kaaviffiata oqimaaqatigiiffiata ukiumut 2,6 dcentimeterinik nikittarnissaanik kinguneqarsinnaavoq, tamannali ukiuni aggersuni suli annerorataannaavoq.
Kissakkiartornerullu aamma nunarsuup imartai initunerulersissavai - imeq kissaanneqarluni initunerulersarmat - taamaalu nunarsuup imartai oqimaannerulerutillu allissapput.
Taamaattumillu amerikamiut ilisimatuutut misissuisartut isumaqarput, tamatuma kingunerissagaa, nunarsuup kaasviffiata oqimaaqatigiiffia avannarleq ukiumut 1,5 centimeerinik Alaskap Hawaii-llu tungaannut nikeriartarumaartoq