Init nutaat 414-it INI-mut
Qaasuitsup Kommuneata aamma INIp isumaqatigiissutigaat kommunerujussuup iniutaasa attartortittakkat siunissami INI-mit aqunneqalernissaat pillugu.
Qaasuitsup Kommuneani INI inissianik nutaanik 414-inik aqutsisuulissaaq, kommunerujussuup init attartortittagai tamaasa INImit aqunneqalernissaat pillugu aggustip aqqarnani INI aamma Qaasuitsup Kommunea isumaqatigiissuteqarmata.
INI aqutsisooreerpoq allanut INIp attartortittagaanut kommunitoqqanit ukuninnga pigineqartut: Ilulissat, Kangaatsiaq, Qaanaaq, Qasigiannguit, Qeqertarsuaq aamma Uummannaq.
Maanna Upernavimmi init attartortittakkat 146-t aamma Aasianni nunaqarfiinilu init attartortittakkat 268-it ilanngupput. Inillu nutaat 414-it ilanngukkaanni INIp maannakkut aqutarilerpai init 9000-inik sinneqartut.
Ininik attartortunut ajoqutaanngitsumik init aqunneqartussat INImut nuunneqarnissaat tamarmik qulakkeerniarpaat. Kingusinnerpaamik 2010-p aallartinnerani INIp inimut akiliutit Qaasuitsullu Kommuneani ininik attartortut tamaviisa sullinneqalernissaat nakkutigisarilissavai.