Nannut millisimapput
Nannut ukiuni untritilikkaani kingullerni millisimasut Aarhus Universitetimi ilisimatusarnerup nutaap tamanna takutippaa.
Ilisimatusaatigalugu allaaserisami nutaami takutinneqarpoq nannut millisimasut, immaqa mingutsitsineq immap sikuusarnerata annikillisimanera pissutigalugit, BBC World, ABC News aamma nunarsuatsinni tusagassiuutit arlaqartut aqqutigalugit saqqummiunneqartumi. Biologisk Instituttimi aamma Danmarks Miljøundersøgelserimi (DMU-mi) ilisimatusartut tamanna paasivaat, dmu.dk taamatut allaaserisaqarpoq.
Christian Sonnep Rune Dietz aamma Niels Martin Schmidt peqatigalugit, tamarmik DMU-meersut, kiisalu Cino Pertoldi aamma Volker Loeschke, Biologisk Instituttimeersut, nannut qarasaasa saarngi ukiuni 19 hundredekkut aallartilaarneranneersut nannut qarasaasa saarngi ukiuni 19 hundredekkut affaasa kingullersaanneersut imminnut assersuuttarsimavaat.
Journal of Zoologymi misissuinermi eqqartorneqarput angissutsikkut ilusiisigullu allannguutit mingutsitsinerulersimanermut aamma immap sikuusarnerata annikillisimaneranut immaqa attuumassuteqarsinnaasut.
Ilisimatuut nannut qarasaasa saarngi timaasa angissusaannik uuttuinerminnut atorpaat. Qarasaasa saarngi ukiuni 19 hundredekkut affaasa kingullersaanneersut procentinik marlunnik aamma ni procentip akornannik minnerupput.