Sisimiuni inuusuttut sammisassaaleqipput

Inuit taakkua politiit tigusareqattaartuartarpaat, suliassat isumaginninnermik oqartussaasunut ingerlateqqinneqartaraluartut. Tamakkua avatangiisinik sulisut suliassaraat – unnuakkut – politiit isumaqarput.

Sisimiuni inuusuttuaqqat amerlanerpaartaat sammisassaaleqinngillat, nalunaaquttalli 23 kingorna, inuusuttunut centeri Nutaraq matoreersoq, ukiukitsut qulit missaanniittut susassaaleqillutik angalaaginnartarput. Ass.: Marianne Langvardt.

Inuusuttuaqqanut qimarnguik?

– Isumaqarneruvunga avatangiisinik sulisut sammineqassasut. Maani politeeqarfimmi oqaloqatigiissutigisarparput avatangiisinik sulisut ullukkut sulivallaartartut unnuakkullu sulinikippallaartarlutik, taamaasinerani inuusuttut imerpallartarmata, tillinniallattaartarlutik aserorterisarlutillu. Tamanna Kalaallit Nunaanni tamarmi nalinginnaasumik ajornartorsiutaavoq, aamma Sisimiuni, politeeqarfimmi pisortaagallartoq Jack Nathansen oqarpoq.

Taanna politiimit Michael Aalderingimit taperserneqarpoq.

– Pineqarput ukiukitsut ikinnerpaamik qulit, unnuakkut siunertaqaratik angalaaginnartartut. Imigassamut hashimullu qanillivallaartarput. Inuusuttuaqqat taakkorpiaasarput, ajortuliaminnillu nangitseqattaartarput suliassat isumaginninnermik oqartussaasunut ingerlateqqittaraluarivut.

Sermitsiaq nr. 35 atuaruk...

Powered by Labrador CMS