WWF peqatigalugu nanoq pillugu pisugit
Ukioq manna aamma WWF Verdensnaturfonden peqataassaaq ECCO Walkathon ingerlanneqalerpat.
Juuni 13-iani 2009 Ecco Walkathon Odensimi, Aalborgimi aamma Århusimi ingerlanneqarpoq, taamani silageqaaq unammerusuttullu ajunngivipput. Aggustip 30-ani Københavnimi tamanna ingerlanneqassaaq, ukioq mannalu aaqqissuusineq ECCO Walkathon Koldingimi oktobarip qulingani naggaserneqassaaq.
Ukioq manna nanoq aamma WWF-ip Issittumi suliniuteqarnera pillugu pisuttoqarsinnaavoq. Kilometerimik ataatsimik pissunnermut ECCO 7,5 koruuninik WWF-ip Issittumi suliniuteqarneranut tunissuteqartassaaq. Nunarsuup kissatsikkiartornera ilutigalugu sila kiatsikkiartorpoq tamatumalu immap sikua aakkiartortippaa, tamaattumillu nannup aamma issittumi uumasut soorlu puisit, aarrit aamma timmissat uumaniarnissaminnut tunngavissaat tammariartorput.
WWF-imit Issittumi pinngortitap pisassarititarpassuisa piujuaannartinneqarnissaat sulisutigineqarpoq tamatumuunakkullu periarfissarsiunneqarniarpoq inuit aamma uumasut sumiiffimminni silaannaap allanngoriartornerata kingunerisaanut naleqqussarnissaat.
Ukioq 2009-mi ECCO-mit nunarsuaq tamakkerlugu suliniuteqartut tapersersorneqartut tassaapput:
Street Kids International – meeqqanik aqqusiniinnarmiittunik Polenimi aamma Kenyami ilinniartitsipput taakku imminnut pilersorsinnaalersikkumallugit.
WWF Verdensnaturfonden – Issittumi nannut illersorniarlugit suliniuteqarpoq.