Hans Henrik qitittartuussaaq
15-inik ukiulik Qeqertarsuarmeersoq Hans Henrik Poulsen Oslomut aallarpoq tassani Treidar Gymnasiumimi ilinniarnertuunngorniaatigaluni immikkut qitittartutut ilinniarniarluni.
Qitittartuuneq tassaavoq Hans Henrik Poulsenip angorusutaasa annerpaartaat. Maannalu tamanna periarfissaqalerpoq.
Tamanna pivoq NAPAp, 15-inik ukiulimmik Hans Henrik Poulsenimik qanimut suleqateqarluartup, ilaqutaanik, Qeqertarsuarmi Atuarfiup pisortaanik Karl Thue Nathanielsenimik, Bårdar Akademimik, Treidar Gymnasiumimik aamma Københavnimi Kalaallit Illuutaannik suleqateqarluarneranik. Aggustip ulluisa 31-anni Oslomut aallarpoq tassani Tredar Gymnasiumimi qitinnermik ilinniaatigaluni ilinniarnertuunngorniassalluni.
Inuit, soorlu Oslomi ilaqutariit Kristoffersenikkut Hans Henrimmut angerlarsimaffitsik ammarpaat ilinniarnerani ajunnginnerpaamik aallartinnissaa anguniarlugu. Tamarmik Hans Henriup qitittartunngorniarluni anguniagaanik siunertaqarluartumik aaqqissuussaalluakkamillu ikiorpaat, ilutigalugulu atuakkatigut/ilinniakkatigut ineriartornissaa qulakkeerlugu.
Tamanna ajornaatsuinnaasimanngilaq, Hans Henriullu angajoqqaavisa tapersersersorpaat anguniakkani anguniassammagu.